пред 8 часа Дресот на легендарниот Мајкл Џордан, кој го носеше и потпиша за време на финалната серија на НБА во 1998 година, беше продаден за дури 14 милиони долари, што е највисоката сума некогаш платена за кошаркарски сувенири.
Продажбата ја потврди аукциската куќа „Хант аукшнс“, која изјави дека купувачот е Рон Фирман, инвеститор во недвижности од Мајами.
Станува збор за црвениот дрес што Џордан го носеше на 5 јуни 1998 година, за време на вториот натпревар од финалето против Јута. Чикаго славеше со резултат од 93:88, а Булс на крајот ја освоија титулата со победа во серијата од 4:2. Тоа беше шестиот и последен шампионски прстен за Џордан.
Оваа сума го сруши рекордот за кошаркарски сувенири, додека меѓу дресовите носени на натпреварите, единствено поголема сума е платена за дресот на бејзбол легендата Бејб Рут, продаден е во 2024 година за 24,12 милиони долари.
Дресовите на Џордан од неговата последна шампионска сезона продолжуваат да достигнуваат неверојатни цени.
Дресот од првиот натпревар од финалето беше продаден во 2022 година за околу 10,1 милиони долари, додека дресот од третиот натпревар достигна приближно 12,3 милиони долари минатиот месец.
Foto/ depositphotos
Би можело да ве интересира
Ирански министер за спорт: Нема услови за наше учество на Светското првенство
Ф1 во Белгија до 2031 година, без трки во 2028 и 2030 година
Триото од 140 милиони евра ќе го напушти Арсенал
Санчо со прва порака по финалето: Ги изневерив сите, ова е најлошото чувство
Петмина од Мерцедес се селат во Ред Бул
Дибала нема да игра за Аргентина поради генитални проблеми?
