Енцо сака да го напушти Челзи

Енцо Фернандез верува дека летото 2026 година е идеално време да го напушти Челзи.

Исто како што ја напушти Бенфика и се пресели во Челзи по претходното Светско првенство, Енцо верува дека летото по новото Светско првенство е вистинско време да направи чекор напред во кариерата.

Наводно, негова најголема желба е Реал Мадрид, кој се чини дека е единствениот клуб што може да си го дозволи во овој момент.

Реал Мадрид е споменуван и претходно, но проблемот е што Челзи не сака да ги изгуби парите инвестирани во него, што значи дека Флорентино Перез ќе мора да плати над 120.000.000 евра за неговиот трансфер.

Се чини дека на Реал Мадрид му е потребно уште едно мега засилување во средниот ред, особено затоа што се повеќе се шпекулира дека Едуардо Камавинга ќе биде на трансфер листата, а Дани Себаљос сигурно ќе замине на лето.

Сето ова укажува дека Реал Мадрид ќе го истражи пазарот и дека Енцо сигурно ќе биде примамлива, но не и евтина опција.

Енцо пристигна во Челзи во јануари 2023 година за дури 121.000.000 евра, а неговиот договор истекува во јуни 2032 година.

Аргентинецот досега одигра 159 натпревари, постигна 28 гола и забележа 29 асистенции.

Foto/ depositphotos