пред 4 часа Капитенот на Борусија Дортмунд, Емре Џан, ќе го пропушти остатокот од сезоната поради скинати предни вкрстени лигаменти на левото колено, објави германскиот тим.
Џан (32) се повреди за време на натпреварот во саботата со Баерн Минхен (2:3). Тој се обиде да продолжи со играта, но на крајот од првото полувреме мораше да го напушти теренот.
Поради сериозноста на повредата, Џан сигурно нема да биде во плановите на германскиот селектор Јулијан Нагелсман за овогодинешното Светско првенство, кое се одржува од 11 јуни до 19 јули во САД, Канада и Мексико.
Во својата репрезентативна кариера досега, Џан има одиграно 48 натпревари за Германија, вклучувајќи го и последниот во септември 2024 година.
Договорот на Џан со Борусија Дортмунд истекува на крајот од сезоната, а во текот на кариерата играше и за екипите на Баерн, Леверкузен, Ливерпул и Јувентус.
По поразот во големото дерби, Борусија Дортмунд е на второто место на табелата во Бундеслигата, 11 бода зад лидерот Баерн.
Foto/ depositphotos
Би можело да ве интересира
Познати се групите за СП во 2026
Гвардиола има план како да му го „украде“ Гуеи на Ливерпул
„Многу светски шампиони не играат на ЕП за да се каже дека ЕП е најтешко“
Шервуд: За 18 месеци, Кристијано Роналдо ќе биде менаџер на Јунајтед
Радичевиќ сама ја среди Ангола, европските шампионки без мака со Ј. Кореја
Тони Надал: Ѓоковиќ сега е фаворит во трката по гренд слемови пред Рафа
