Клоп полуде: Го прашаа да коментира дека неговиот тим не е доволно бел и германски

Германскиот селектор, Јирген Клоп се осврна на расистичките коментари на социјалните мрежи насочени против репрезентативците. На прес-конференцијата пред натпреварот од Лигата на нации против Србија, кој ќе се игра вечерва во Минхен, новинарите го прашаа за најавите во кои се наведува дека тимот „не е доволно германски“ или „доволно бел“.

Клоп првично рече дека дури и не ги видел коментарите, а потоа беше многу јасен.

„Нема причина да трошам време на такви луѓе. Нема да им посветам ниту еден момент од моите мисли. Немам време за глупости во мојот секојдневен живот, а немам ни време за социјални мрежи“, рече 59-годишниот тренер. Тој додаде дека најголемиот проблем на нашето време е што секој може да каже што сака. „Сосема е лудо што вакви работи воопшто се појавуваат“, изјави тој.

Клоп истакна дека тимот што го води, во кој има голем број играчи со мигрантско потекло, функционира одлично.

„Нивниот соживот не може да биде подобар“, објасни тој. „Светот треба да се угледа на спортската соблекувална. Секој е почитуван таму за она што навистина е, а не дискредитиран поради нечии погрешни ставови. Точка“, рече германскиот тренер.

Клоп ја презеде Германија ова лето откако Јулијан Наглесман беше отпуштен поради неуспех на Светското првенство. Клоп го предводеше тимот во два натпревари од Лигата на нации, нерешено на гости со Холандија (1:1) и пораз на домашен терен од Грција (0:1).

Foto/ EPA