пред 5 часа Со спектакуларната победа од 9:1 над Ленс, Комо испиша историјата на Лигата на шампионите и италијанскиот фудбал, соборувајќи неколку рекорди во елитното европско натпреварување.
Тимот на Сеск Фабрегас стана првиот италијански клуб кој постигнал девет гола во еден натпревар од европско натпреварување.
Комо е исто така првиот италијански тим кој постигнал најмалку седум гола на гости во Лигата на шампионите.
Уште поимпресивно – ниту еден тим не постигнал девет гола на гости во елитното европско натпреварување од 1971 година.
Во модерната ера на Лигата на шампионите, само Баерн Минхен пред Комо успеа да постигне девет гола во еден натпревар, кога го победи Динамо Загреб со 9:2 во 2024 година.
Со резултат од 9:1, Комо постави нов рекорд во Лигата на шампионите кога станува збор за најубедливата победа на гостинскиот тим.
Претходниот рекорд беше седум гола разлика и го држеа три екипи.
Во 2010 година, Марсеј ја победи Жилина со 7:0, во 2014 година, Шахтјор го победи БАТЕ Борисов со ист резултат, додека во 2017 година, Ливерпул победи против Марибор со 7:0.
Триумфот е исто така историски кога се гледаат сите италијански клубови во европските натпреварувања.
Досега, најголемите победи на гостински терен на тимовите од Серија А беа Аталанта со 8:0 против Сараево во 2018 година во квалификациите за Лигата на Европа и Милан со 8:0 против Унион Луксембург во 1961 година.
Сега со девет постигнати гола, Комо отиде чекор понатаму и забележа една од најневеројатните европски вечери во модерната историја на италијанскиот фудбал.
Foto/ Depositphotos
