Куман го објави спискот на Холандија за СП

Роналд Куман, селектор на холандската фудбалска репрезентација, го објави списокот на играчи за претстојното Светско првенство.

Опоравениот Мемфис Депај е на списокот, додека најголемо изненадување е отсуството на играчот на Ливерпул, Џереми Фримпонг. Депај беше еден од тројцата играчи кои неодамна се опоравија од повреди, а Куман ги стави на спиското за планетарната смотра.
32-годишниот напаѓач, кој игра за бразилскиот Коринтијанс, е најдобар стрелец во историјата на холандската репрезентација со 55 гола, а во неделата го одигра својот прв натпревар по неколку недели отсуство поради повреда на тетивата.

Џастин Клајверт, син на легендарниот Патрик Клајверт, исто така неодамна се врати во тимот на Борнмут по операцијата на коленото и е на списокот заедно со Јуриен Тимбер, кој ја освои Премиер лигата со Арсенал, но исто така неодамна се опорави од повредата.

Како причина за отсуството на Фримпонг, кој до неодамна редовно настапуваше за националниот тим, Куман ги наведе честите проблеми со повредите на играчите на Ливерпул.

Холандија играше во финалето на Светското првенство три пати, но никогаш не го освои најголемиот трофеј. Тие загубија во 1974 година од тогашната Западна Германија, во 1978 година од домаќинот Аргентина и во 2010 година од Шпанија, кога Андрес Иниеста постигна гол во 116-та минута.

Интересно е што Куман, сегашниот селектор, беше капитен на Холандија кога САД последен пат беа домаќини на Светското првенство во 1994 година. Холандија тогаш беше поразена во четвртфиналето од подоцнежниот шампион Бразил со 3:2.

Светското првенство ќе се игра од 11 јуни до 19 јули во САД, Канада и Мексико, а Холандија е сместена во групата Ф. Првиот натпревар на Светското првенство оваа репрезентација го игра против Јапонија во Далас, по што следат натпревари против Шведска и Тунис.

Репрезентацијата на Холандија за Светското првенство:

Голмани: Марк Флекен (Баер Леверкузен), Робин Рафс (Сандерленд), Барт Вербруген (Брајтон).

Одбрана: Нејтан Аке (Манчестер Сити), Вирџил ван Дијк (Ливерпул), Дензел Дамфрис (Интер), Џорел Хато (Челзи), Јан Пол ван Хеке (Брајтон), Мики ван де Вен (Тотенхем), Јуриен Тимбер (Арсенал).

Играчи од средниот ред: Рајан Гравенберг (Ливерпул), Френки де Јонг (Барселона), Тен Кепмајнерс (Јувентус), Тижани Рајндерс (Манчестер Сити), Мартен де Рон (Аталанта), Гас Тил (ПСВ Ајндховен), Квинтен Тимбер (Марсеј), Матс Вифер (Брајтон).

Напад: Брајан Броби (Сандерленд), Мемфис Депај (Коринтијанс), Коди Гакпо (Ливерпул), Џастин Клајверт (Борнмут), Ноа Ланг (Галатасарај), Дониел Мален (Рома), Крисенсио Самервил (Вест Хем), Вут Вегорст (Ајакс).