пред 3 години Македонската фудбалска репрезентација вечерва ја продолжува борбата за пласман на Светското првенство во Катар. Во рамките на четвртото коло, во Групата Ј, на Македонија ќе и гостува лидерот Ерменија.
Дуелот со Ерменија ќе биде дебитански за новиот селектор Благоја Милевски, која на клупата го наследи Игор Ангеловски. Исто така од овој меч Македонија ќе настапува без легендата Горан Пандев. Гоче се повлече од националниот тим по завршувањето на Европското првенство.
За очекување е лидерската улога на теренот, што ја имаше Пандев, да ја преземе Елиф Елмас. Исто така, во нападот се очекува да започне Адис Јаховиќ, кој поради недоразбирањата со претходниот селектор не играше за репрезентацијата.
Ерменците во Скопје допатуваа во најсилниот состав, предводени од Хенрик Мхитаријан, кој не играше во првите три натпреври.
Ерменија, изненадувачки, со три победи ја предводи Ј-групата. По две победи и пораз имаат Македонија и Германија, Романија и Исланд забележаа победа и два порази, додека аутсајдерот Лихтенштајн ги запиша сите три порази.
По дуелот со Ерменија, Македонија ја очекува гостувањето во Рејкјавик, кај Исланд на 5.септември, а потоа и натпреварот со Романија во Скопје на 8.септември.
Фото/ ffm.mk
Би можело да ве интересира
Сити ја добива битката за Халанд, огромна плата за него, спектакуларна провизија за агентот
Хамилтон: Ботас е најдобриот колега кој сум го имал
Дурент: Словенија ја ставивте пред нас…Дали сте сериозни?
Халанд решил каде сака да ја продолжи кариерата
„Ѓаволите“ се уште ја бркаат титулата – Гринвуд ги доближи до Сити
Промес уапсен, избодел член на семејството?
