пред 3 часа Поранешниот играч на ПСВ од Ајндховен, Џои Верман е новото засилување на Борусија Дортмунд. Германскиот вицешампион ја плати откупната клаузула од 21,5 милиони евра.
Верман има 27 години, висок е 185 сантиметри и игра на позицијата централен и заден играч за врска.
Холандскиот интернационалец потпиша петгодишен договор.
Со клубот од „Филипс Арена“, тој освои три титули во холандското првенство (2024, 2025 и 2026), два национални купа (2022 и 2023) и три холандски Суперкупа (2022, 2023 и 2025).
Вкупно, тој одигра 198 натпревари за ПСВ, постигна 31 гол и забележа дури 67 асистенции.
Верман одигра 16 натпревари за сениорската репрезентација на Холандија од 2023 година и постигна еден гол.
Во системот на Нико Ковач (3-4-2-1), тој ќе игра на позицијата последен играч во редот за врска.
Борусија Дортмунд го доведе и Јанис Константелијас од ПАОК за 26 милиони евра. Офанзивниот играч од средниот ред потпиша петгодишен договор со германскиот клуб.
Константелијас помина низ младинската школа на ПАОК, а за првиот тим на клубот од Солун одигра 190 натпревари, постигна 44 гола и запиша уште 26 асистенции.
Тој им помогна на црно-белите да ја освојат титулата во грчкото првенство во сезоната 2023/24 откако дебитираше за сениорскиот тим на само 17 години, во јануари 2021 година.
Тој играше за сите помлади селекции на грчката репрезентација, а дебитираше за сениорскиот национален тим во март 2023 година. Оттогаш, одигра 18 натпревари за Грција и постигна четири гола.
Борусија Дортмунд ќе ја отвори сезоната 2026/27 со натпреварот од Суперкупот на Германија против Баерн Минхен на 22 август на домашен терен.
Една недела подоцна, Дортмунд ќе го пречека Хамбургер во Бундеслигата.
Foto/ Depositphotos
