Намалена казната на Халеп, тенисерката доби деветмесечна суспензија

Романската тенисерка Симона Халеп доби деветмесечна суспензија од страна на Судот за спортска арбитража.

Таа казна ја заменува првобитната четиригодишна забрана за допинг што и ја изрече Меѓународната агенција за интегритет во тенис во септември минатата година, што значи дека сега може да се натпреварува.

Халеп беше позитивна на забранетата супстанција роксадустат за време на УС Опен во 2022 година. Оваа супстанца го стимулира создавањето на црвените крвни зрнца.

BREAKING:

Court of Arbitration for Sport dramatically reduced Simona Halep’s penalty from her positive test for roxadustat in 2022, from *two four-year bans* to just a post-dated *nine months*, meaning she is eligible to play.

Unlike ITIA, CAS bought the contamination argument. pic.twitter.com/NJwJEVYqFd

— Ben Rothenberg (@BenRothenberg) March 5, 2024

Романската тенисерка беше обвинета за второ прекршување на допинг во мај минатата година поради неправилности во биолошкиот пасош.

Халеп потоа ги негираше неправилностите и изјави дека планира да ја расчисти дамката од нејзиното име пред Судот во Лозана.

Романката (32) во кариерата освои 24 титули во сингл, вклучувајќи и два Грен слем.

Во 2018 година победи на Ролан Гарос, а во 2019 година триумфираше на Вимблдон.

Во текот на 2017 и 2018 година романската тенисерка помина 64 недели на врвот на ВТА листата.