Норис за победата на Ферстапен: Не се работи за талент, туку за чиста среќа

Шампионските амбиции на Ландо Норис доживеаја сериозен удар, вчера на патеката Интерлагос во Сао Паоло. .

Британецот во болидот на Мекларен стартуваше од пол-позицијата, но трката за Големата награда на Бразил ја заврши на шестото место.

Тој освои 20 поени помалку од лидерот Макс Ферстапен, кој сега има предност од 62 поени. Младиот Британец, смета дека во целиот хаос на патеката тимската тактика не преидонела за скромниот резултат. .

„Можете да менувате гуми кога на патеката има црвено знаме, тоа го направија другите. Немавме среќа“, рече возачот на Мекларен.

„Не направивме ништо лошо, не ми е гајле што ќе кажат луѓето. Останувањето на патеката во тој момент не беше добро. Прво, не требаше да има црвено знаме, но очигледно имаше некаков судир на крајот од колоната па поради тоа решија да го истакнат црвеното знаме. Таков е животото понекогаш. Се коцкаа и тоа им се исплатеше. Не е во прашање талентот, се работи за чиста среќа. Ние немавме среќа, тоа е се“, рече Норис.

По трката за Големата награда на Бразил, тој е втор во генералниот пласман во Формула 1 шампионатот со 331 бод, додека лидерот Верстапен има 393.

До крајот на сезоната остануваат уште три трки, следната се вози во Лас Вегас за три недели.