Пожар на автодромот „Термас де Рио Ондо“, гори и музејот „Хуан Мануел Фанџо“

Голем пожар го зафати автодромот „Термас де Рио Ондо“. На оваа патека во Аргентина, секоја година се возат трки во Мото ГП шампионатот.

Медиумите објавија дека пожарникарите се борат со огнената стихија, која ги зафатила ВИП ложата, коментаторските позиции, новинарската соба и боксовите кои ги користат тимовите.

Исто така гори и музејот „Хуан Мануел Фанџо“.

Засега нема информации за евентуално повредени или настрадани лица. Исто така не се познати причините за пожарот.

Штетта која ја предизвика огнот е огромна.