пред 3 часа Поранешниот британски тениски број еден Грег Руседски смета дека Новак Ѓоковиќ треба да го прескокне Ролан Гарос и целосно да се фокусира на Вимблдон.
Руседски е уверен дека Ѓоковиќ треба добро да се подготви за Вимблдон, каде традиционално игра многу добро и каде има сериозна шанса да стигне до својата 25. Гренд слем титула.
„Мислам дека Новак треба да размисли да го прескокне Ролан Гарос и да се фокусира на Вимблдон. Навивачите на Новак, имаaт надеж. Замислете да игра вака добро на Вимблдон. Имам чувство дека Ролан Гарос е надвор од неговиот дофат поради физичката игра“, изјави Руседски и додаде:
„Сега има три недели меѓу Ролан Гарос и Вимблдон. Порано беа две. Всушност, би можел да одигра два турнира, да направи пауза од една недела и потоа да настапи на Вимблдон. Ќе биде интересно да се види што ќе одлучи.“
Ѓоковиќ минатата недела стигна до финалето на Австралијан опен.
„Какви две недели беа ова. Го победи Синер, но не успеа да ги победи двајцата по ред. На Гренд слем турнирите секојдневно покажува дека може да победи еден од тие двајца момци. Проблемот е да ги победи еден по друг и тоа сè уште е енигма. Тоа е тешко да се реши“, истакна Руседски.
Во меѓувреме, Новак Ѓоковиќ се врати во Топ 3 на АТП-листата.
Би можело да ве интересира
(Видео) Јаник Синер ќе го игра своето прво финале на Вимблдон откако го победи Новак Ѓоковиќ
Коболи откри што му кажал Ѓоковиќ
Колку заработи Новак со пласманот во полуфиналето на Вимблдон – шеикот може да му даде уште повеќе пари
Каде се парите? Ѓоковиќ најдобар од сите, но и најсиромашен
„Ѓоковиќ гоат? Лудо е да се дискутира за тоа“
Ѓоковиќ испиша историја на „Артур Еш“
