пред 2 години Ветеранот Серхио Рамос признава дека е разочаран што не се најде на списокот на селекторот Луис Енрике за Мундијалот во Катар, велејќи дека така загубил дел од сонот за настап на петто Светско првенство.
36-годишниот Рамос минатата сезона играше многу малку поради низа повреди, но оваа сезона повторно е во првиот тим на Пари Сен-Жермен, но тоа не му беше доволно да ја продолжи кариерата во шпанскиот дрес. Поранешниот дефанзивец на Реал Мадрид е рекордер по бројот на настапи за Шпанија со 180 и е израмнет со 17 меча на СП со Икер Касилјас и тој се јави на Инстаграм со порака.
„Можам да кажам дека оваа сезона повторно се чувствувам добро и уживам во фудбалот, играјќи за голем клуб во прекрасен град како Париз. Светското првенство? Секако, тоа беше еден од големите соништа кој сакав да ги остварам. Тоа ќе беше мое петто СП, но за жал ќе морам да го гледам од дома. Тешко е, но, сонцето повторно ќе излезе наутро“, вели Рамос, кој нема настап за „фуријата“ од март 2021, кога влезе како замена при 3:1 победата над Косово во квалификациите за СП.
Би можело да ве интересира
Карагер за Арсенал: Изгледаат како деца кои играат против мажи!
Дивац: Во ова време Џордан би давал по 80 поени на натпревар
Ред бул во „грабеж“ на инженери од Мерцедес, Германците им нудат двојно поголема плата!
Сите фудбалери на Копа Америка ќе бидат вакцинирани, УЕФА не планира вакво нешто
„Двоец“ на Киеза – Јуве сега се „израмнети“ со Порто!
Голманот на Штутгарт имаше спектакуларна одбрана на пенал
