Репрезентативец на Косово е замената за Диоманде во Лајпциг

Парите од трансферот на Јан Диоманде (20) сè уште не легнале на сметката на РБ Лајпциг, но никој во клубот од Саксонија не се сомнева дека работата е завршена и дека конечната реализација ќе следи во текот на следната недела.

Затоа, не е изненадување што луѓето од Лајпциг веќе почнаа да ја трошат заработената сума.

Репрезентативецот на Косово, Фисник Аслани, кој моментално игра за Хофенхајм, ќе се пресели во Лајпциг во пакет вреден околу 30 милиони евра.

Медицинските прегледи се веќе закажани. Аслани треба да биде замена за Јан Диоманде, кој е главна ѕвезда на овогодинешниот преоден рок.

Сите информации велат дека 19-годишникот се договорил со Реал Мадрид и дека веројатно тоа ќе биде најголемиот трансфер во историјата на „Кралскиот клуб“ вреден 140.000.000 евра.

Доаѓањето на Аслани е показател дека и Лајпциг дал зелено светло за продажба што ќе им донесе огромна финансиска корист.

Foto/ EPA