пред 3 години Возачот на Мекларен, Даниел Рикардо, по победата на трката за Големата награда на Италија, во Монца, рекол дека ќе победел во трката и да не се случел инцидентот помеѓу Макс Ферстапен и Луис Хамилтон.
„Водев пред Ферстапен и пред заминувањето во пит-стоп. Правеше притисок во некои кругови, но ниту во еден момент не дојдов во ситуација да се бранам од него. Беш блиску, но немаше да ме престигне, тоа можеше да го стори само доколку направев некаква грешка. Кога излегов од боксот бев убеден дека ќе победам, доколку не ми се случи нешто непланирано. Бев полн со самодоверба, знаев дека никој не може да ми ја одземе победата. Ќе победев и да не се судреа Ферстапен и Хамилтон“, рекол Австралиецот.
Победата на Рикардо во Монца, беше прва за него по 2018 година, кога во болидот на Ред Бул победи во Монако. Исто така ова е прва победа за Мекларен по пауза од девет години и прв триумф на овој тим во Монца по 2007 година кога славеше Фернандо Алонсо.
Би можело да ве интересира
Луд пресврт на Интер кај Фиорентина за прво место на табелата
Роналдо е сопственик на најскапиот „Ролекс“ на светот
Клоп: Би размислил дали би го поканил Рамос на роденденска забава
Баерн нуди 80 милиони евра за Де Јонг
Покетино побарал да му го донесат Агуеро
Пулев со контроверзна изјава: Џошуа има подобар тен од мене!
