Ристовски: Имав договор со АЕК, Здравко Мамиќ за 24 часа ми го среди трансферот во Динамо

Поранешниот репрезентативец на Македонија и капитен на националниот тим, Стефан Ристовски (34) е член на Сараево од минатото лето, каде што пристигна по четири успешни сезони во Динамо.

За време на престојот во Загреб, Ристовски освои пет титули во лигата и четири Куп трофеи. Во интервју за <a href="http://“>„Vijesti.ba“, се присети на трансферот во Динамо од португалскиот Спортинг. Откри дека тогашниот шеф на клубот Здравко Мамиќ го убедил да се пресели во Загреб.

„Господинот Здравко го договори тоа. Бев во Спортинг, некои работи малку се искомплицираа и морав да замина, да барам решенија. Но, сепак имав уште две години од договорот. Јас, со мојот менаџер, се согласивме дека треба да одиме, да побараме трансфер, а не позајмица, но никој нема да плати.

Никој, никако. Ќе останам уште шест месеци во Спортинг, но не сум во тимот, само тренирам и играм за репрезентацијата. Значи, доаѓа зимскиот преоден рок, остануваат уште три дена. Му дадов збор на АЕК од Грција дека ќе дојдам на позајмица, а како Мамиќ дознал, не знам. И ме вика, вели, дали би сакал да дојдеш кај нас. Му реков да. Тој вели, веднаш дојди со првиот авион. Јас велам, па шефе, му дадов збор на АЕК. Здравко ми одговори: Кој АЕК, знаете што сме ние за АЕК… Човекот го среди трансферот за 24 часа.“

Триесет и четиригодишниот Ристовски се пресели во Сараево бесплатно минатото лето. Одигра 30 натпревари во сите натпреварувања и постигна три гола, а Сараево моментално е трет, 25 бода зад првопласираниот Борац Бања Лука.

Foto: Sanjin Strukic/Pixsell