пред 4 часа Фудбалскиот сојуз на Турција привремено суспендираше дури 448 сегашни и поранешни клупски службеници, вклучувајќи го претседателот на Трабзонспор, Ертугрул Доган, и потпретседателот на Бешикташ, Хакан Далтабан. Ова е направено како дел од истрагата за спортско обложување во турскиот фудбал.
Утврдено е дека сите суспендирани службеници уплатиле облози во последните пет години додека биле на своите позиции, во клубовите од првата и втората лига, официјално соопшти Фудбалскиот сојуз на Турција.
Сите тие биле пријавени во дисциплинската комисија на Сојуз. Турските медиуми објавуваат дека од 448 суспендирани службеници, 171 биле или сè уште се во клубови од турската елитна дивизија.
Фудбалскиот сојуз на Турција го зајакна својот надзор врз спортското обложување откако земјата беше потресена од голем скандал со обложување минатата година. Како дел од истрагата во тоа време, Сојузот суспендираше 149 судии и дури 1.024 фудбалери за различни периоди.
Во посебна истрага на почетокот на оваа недела, едно службено лице и шест члена на главниот судски комитет беа приведени под обвинение за мешање во судските процедури.
Foto/ Depositphotos
Би можело да ве интересира
Бабунски: Целта е да ги победиме овие два натпревари
Барселона го сака Луис Дијаз
Марко Ројс одби да игра за Германија на ЕУРО
ЛЕ: Храбриот Динамо примора продолженија против Тотенхем, Арсенал „преживеа“
Дали Меси ќе добие суспензија од 12 меча?
Пантелиќ му врати на Видиќ: Кога ти промашуваше пенали, не пишуваше соопштенија
