Јамал: Златната топка треба да ја освои Ламин Јамал

Златната топка, најпрестижната индивидуална награда во фудбалот, ќе биде доделена на 26.октомври во Лондон. Кандидати има неколку од Хари Кејн, преку Хвича Кварацхелија, Ламин Јамал, Килијан Мбапе…

Јасно е дека лобирањето има голема улога во конечната одлука, на оние кои го даваат својот глас за најдобар фудбалер во светот.

Она што не се случуваше изминатите години, оваа е многу актуелно. Кандидатите отворено лобираат. Во саботата, во големо интервју за „Лекип“, Килијан Мбапе, рече дека никој немал сезона каква што имал тој, а истото го мисли и Ламин Јамал. Логично тој мисли дека ја заслужил наградата.

„Килијан Мбапе и јас сме најдобрите двајца играчи во светот. Но, оваа година верувам дека заслужувам да ја освојам Златната топка“, рече Јамал.

Иако е сè уште многу млад, фудбалерот на Барселона веќе има став на играч кој сака да остави свој белег во историјата. За него, она што го направи досега не е доволно за да биде задоволен, а особено има чувство дека можеше да направи уште повеќе на најголемата репрезентативна сцена.

„За некој друг играч, мојот настап на Светското првенство би бил одличен, но не и за мене“, рече Јамал.

Токму затоа тој веќе размислува за следното Светско првенство и не крие колку сака нова можност.

„Навистина сакам следното да дојде“, додаде младиот Шпанец, јасно алудирајќи на следното Светско првенство.

Јамал чувствува дека неговата приказна е различна во многу аспекти од сè што сме виделе досега. Тој е свесен дека Лионел Меси, Кристијано Роналдо и Диего Марадона ја обележале фудбалската историја, но верува дека она што го прави на негови години е речиси без преседан.

„Постојат историски играчи како Меси, Кристијано и Марадона, но не мислам дека некогаш се случило некој да освои толку многу на толку рана возраст“, ​​рече тој.

Foto/ Depositphotos