Аеродром слави влез во елитата (ФОТОГАЛЕРИЈА)

Македонската кошарка повторно има претставник во јадранската елита. МЗТ Скопје Аеродром по четири години повторно е дел од најдоброто друштво во АБА, сосема заслужено, откако избраниците на тренерот Александар Петровиќ по голема борба ја добија полуфиналната пресметка против Широки Бријег.

Поддржани од фантастичната публика и од верната навивачка група „Фемили Аеродром“, кошаркарите на МЗТ ја исполнија целта. Останува в недела да ја завршат работата до крај и да го освојат и трофејот во АБА 2 во финалниот меч против Златибор.

Фото: Игор Паневски