пред 2 часа Светскиот број еден го победи Адам Волтон со максимален резултат, во првото коло на Австралија опен. Конечниот резултат не ги покажува мноштвото предизвици со кои се соочи Шпанецот против миленикот на домашната публика. Алкараз победи со 6:3, 7:6 (7:2), 6:2.
На 26-годишникот од Бризбејн му требаше околу половина час да се навикне на атмосферата и целосно да се опушти. Тоа е сè што му требаше на Алкараз за да го освои првиот сет, кој можеше да го добие уште поубедливо.
Проблемите за Шпанецот дојдоа во вториот сет. Момчето од Мурсија се мачеше со зглобот, но и со својот ривал кој прв направи брејк и поведе со 1:3. Сепак, му подари на Карлос ри-брејк, а потоа не го издржа притисокот во тај-брејкот.
Третиот сет беше сличен на првиот. Шесткратниот Гренд слем шампион, направи два брејка и рутински го потврди своето место во втората рунда.
Таму ќе го чека Јаник Ханфман. Во првото коло искусниот Германец го победи квалификантот Закари Свајда во четири тесни сета, 7:5, 4:6, 6:4, 7:6 (7:3).
Единствениот меѓусебен дуел го одиграа во Пекинг во 2023 година, кога Алкараз победи со 6:4, 6:3 во првото коло.
Foto/ depositphotos
Би можело да ве интересира
Ф1 во Белгија до 2031 година, без трки во 2028 и 2030 година
Триото од 140 милиони евра ќе го напушти Арсенал
Санчо со прва порака по финалето: Ги изневерив сите, ова е најлошото чувство
Петмина од Мерцедес се селат во Ред Бул
Навивачите на Борусија со огномет го прославиле испаѓањето на Шалке
Дибала нема да игра за Аргентина поради генитални проблеми?
