пред 3 години Европскиот и светски шампион, Баерн Минхен, добро се испоти, но на крајот успеа да спречи срамен пораз од Арминија Билефелд, одигрувајќи 3:3 на „Алијанц арената“ во првиот бундеслигашки меч по освојувањето на титулата од Светското клупско првенство.
Арминија, клуб кој има неверојатна низа од 9 порази на гости кај Баерн (втора најдолга серија во Бундеслигата), имаше фантастично прво полувреме, во кое ги искористи грешките на одбраната на шампионот и водеше со 0:2 на полувреме со головите на Михел Флап (9.) и Амос Пипер (37.).
На почетокот на второто полувреме, Роберт Левандовски со прекрасен гол намали на 1:2 во 48. минута за да најави враќање на Баварците, но веќе во следната минута Пипер го врати водството од два гола на Арминија. Сепак, сензационален пораз, само шести во тренерската кариера на Ханси Флик, спречија Корентин Толисо во 57. минута и Алфонсо Дејвис во 70. минута.
Баерн останува убедливо прв во Бундеслигата, сега со пет поени пред РБ Лајпциг, додека Арминија е на 16. место со 18 поени.
Би можело да ве интересира
Француските клубови почнаа да бараат безбедносни гаранции пред да заминат во Марсеј
Фрејзер-Прајс го истрча резултатот на сезоната
ПСЖ не го продале Мбапе за да го испочитуваат финансискиот ферплеј
Надал со 10-ка во Рим – го совлада Ѓоковиќ во епско финале!
Леброн го забележа 99 трипл-дабл, Хјустон израмнија негативен рекорд
Фјури, сепак, ќе му даде трет меч на Вајлдер?
