пред 5 месеци Шпанецот Алекс Гарсија започнува ново поглавје во својата фудбалска кариера, toj потпиша долгорочен договор со Баер Леверкузен и дефинитивно ја напушти Џирона. Трансферот изнесува 18 милиони евра.
Актуелниот шампион на Германија, го потпиша Гарсија и покрај тоа што за него сериозен интерес покажа Барселона. Пресуди желбата на Гарсија да работи со сонародникот Чаби Алонсо.
„Како и сите љубители на фудбалот ширум Европа, и јас се восхитував на фантастичните достигнувања на Баер Леверкузен минатата сезона. Многу сум среќен што клуб како Баер реши да ме ангажира. Сега останува на мене да ги оправдам очекувањата и да придонесам за продолжување на добрите резултати“, изјави Шпанецот по потпишувањето на договорот.
Гарсија изминатите три сезони ги мина во Џирона, во последната го предводеше тимот како капитен до третото место во Примера. Во кариерата играше и за Виљареал, Манчестер Сити, Мускрон, Еибар и Динамо Букурешт.
Би можело да ве интересира
Тежок пораз на МЗТ од Спартак во Суботица
Епски пресврт на Медведев, од 0:2 до пласман во финалето на АО
Геј не ги сака боите на виножитото?
Дрес од Бока за секој што се вика Диего Армандо и е роден 1981 година
Завршницата на ЕУРО од Лондон се сели во Будимпешта?
Зверев со нов демант за малтретирањето на Оља Шарипова
