пред 2 години Во дербито на неделата во Лигата на шампиони, Барселона и покрај фантастичниот камбек на Кјелце во второто полувреме, успеа да стигне до својата втора победа во новата сезона во европската елита со 32:28, додека ППД Загреб доживеа вистински потоп на гостувањето кај Магдебург, губејќи со огромни 35:25.
Иако се очекуваше да биде поизрамнето, Барса направи предност од пет гола на полувреме, најмногу благодарение на фантастичниот дански голман Емил Нилсен. Со Душебаев и Ремили, Кјелце успеа да се врати на само гол негатива (21:20), пред Барса повторно да се одвои за своја втора победа во два меча. Лудевик Фабрегас заврши со 6 гола за каталонскиот клуб, Гомез и Мем имаа по пет, додека во полскиот клуб, Аркадијуш Морито имаше шест топки во противничката мрежа.
Во првиот домашен меч на Магдебург по речиси 17 години пауза, поранешниот европски шампион доминираше од стартот до финишот против Загреб, не дозволувајќи никаква шанса на хрватскиот тим за враќање во игра.
ЕХФ ЛИГА НА ШАМПИОНИ, 2.КОЛО
ГРУПА А
ГОГ – Динамо Букурешт 38:38 (21:20)
Магдебург – ППД Загреб 35:25 (17:12)
ГРУПА Ц
Нант – Пик Сегед 35:30 (17:15)
Барселона – Кјелце 32:28 (18:13)
