Веспрем му врачија отказ на Давид Дејвис

Ракометниот клуб Веспрем му врачи отказ на тренерот Давид Дејвис. Шпанецот го плати цехот за катастрофалната сезона, Веспрем не успеа да се пласира на завршниот турнир во Лигата на шампионите, а во Унгарија не успеа да ја одбрани шампионската титула.

Поранешниот поможник во стручниот штаб на Вардар и тренер на женскиот клуб н а Вардар, во Веспрем пристигна во 2019 година. Во својот мандат не успеа да го оставри сонот на неговите претходници, клупските челници и армијата навивачи, односно не успеа да ја освои Лигата на шампионите.

Оваа сезона, во која клубот влезе со големи амбиции, Лигата на шампионите ја заврши во четврт-финалето и поразот од Нант, а во Унргарија со двата порази од Пик Сегед остана без шампионскиот трофеј.

Веспрем објави дека најдоцна до 1.јули ќе го објави името на новиот тренер.