Вест хем го купија Бенрама за 25 милиони фунти

Вест хем го добија посакуваното засилување во крилото Саид Бенрама од Брентфорд, првично на позајмица, која следното лето ќе биде трансформирана во постојан трансфер за 25 милиони фунти.

Лондонскиот клуб се обидуваше да го добие алжирскиот репрезентативец на постојан договор, но откако се појавија проблеми на вториот медицински тест, се смени и договорот. „Чеканите“ ќе платат 5 милиони фунти однапред за 25-годишниот Бенрама до крајот на сезоната, пред постојаниот трансфер. Тој нема да може да игра на неделниот меч против Тотенхем поради административни проблеми.

„Пресреќен сум што сум дел од овој тим. Вест хем е историски клуб, кој е во Премиер лигата долго време и секогаш привлекувал добри фудбалери. Зборував со менаџерот и знам што се очекува од мене“, вели Бенрама.

Тој постигна 27 гола во 83 меча во Чемпионшип за Брентфорд.

And breathe! ? #WelcomeSaid pic.twitter.com/hyqaiwq0r4

— West Ham United (@WestHam) October 16, 2020