пред 13 часа Барселона го декласира Виљареал на „Керамика“ со 5:1 и го задржа перфектниот старт во сезоната. Во првите шест кола Барселона забележа шест победи, додека Виљареал го запиша првиот пораз.
Прекрасен натпревар одиграа Виљареал и Барселона, а според се она што беше видено, победата на Барселона е заслужена, но Виљареал не заслужи толку убедлив пораз.
Виљареал почна подобро, но потоа се појави Роберт Левандовски. Полјакот постигна два гола во првото полувреме, првиот во 20. минута, вториот во 35. и им донесе големо водство на Каталонците.
Три минути по вториот гол на Левандовски, Виљареал го намали водството преку разигран Ајозе Перез. Она што може да ја загрижи Барселона е повредата на Тер Штеген на крајот од првото полувреме.
Виљареал на стартот на вториот дел тргна во целосна офанзива, поради минимален ифсајд беше поништен голот на Пепе, а потоа истиот играч ја погоди гредата, а Пења имаше спектакуларна одбрана по ударот на Перез.
Во екот на големата иницијатива на домашниот тим, Торе погоди за 1:3 во 58. минута од натпреварот.
Во 66. минута Левандовски промаши пенал, а две минути подоцна на „жолтата подморница“ и беше поништен гол кој го постигна Баи.
Рафиња ги урна сите надежи дека Виљареал може да избегне пораз, а потоа Бразилецот во 84.минута го постави конечен резултат.
Би можело да ве интересира
Нов кикс на Наполи, Фиорентина во финишот го скрши Торино
Адвокат повеќе не е селектор на Ирак
Женската У-18 репрезентација во две четвртини не постигна кош, прими 64 поени
Серџо Скариоло е новиот тренер на Виртус Болоња
Вацке: За пет години потроши една милијарда, Гвардиола нема право да ги критукува другите
Конечна разврска во групите Ф и Х, Меси го чека Роналдо на „Ноу Камп“
