пред 12 часа Два милиони луѓе ја пречекаа шпанската фудбалска репрезентација вечерва на улиците на Мадрид, откако ја освоија титулата на Светското првенство во САД, Канада и Мексико.
Фудбалерите и тренерскиот штаб пристигнаа попладне во Шпанија од САД, каде што во недела навечер го победија бранителот на титулата Аргентина со 1:0 во финалето по продолженија и ја освоија титулата светски шампион по втор пат во историјата. Победничкиот гол го постигна Феран Торес во 106-та минута.
Играчите беа пречекани од илјадници луѓе на аеродромот, а потоа селекцијата отиде на прием кај шпанскиот крал Фелипе VI и кралицата Летиција во палатата Сарзуела, а потоа и кај премиерот Педро Санчез.
The amount of Spain fans at the parade in Madrid
pic.twitter.com/brlyPKmrp9
— FOX Sports (@FOXSports) July 20, 2026
Фудбалерите и тренерскиот штаб потоа се движеа со отворен брендиран автобус низ централните улици на Мадрид, каде што ги следеа стотици илјади луѓе, кон плоштадот Сибелес, каде што Шпанците традиционално ги слават спортските успеси. Играчите беа весели, ја поздравуваа публиката, им мавтаа и им наздравуваа.
¡Ojo al regalito que le ha hecho llegar Joan Garcia a Luis de la Fuente! pic.twitter.com/wxDY36gtAX
— MARCA (@marca) July 20, 2026
„Маркa“ објави податоци од шпанските власти дека два милиони луѓе се собрале на улиците. На плоштадот Сибелес беше поставена сцена, каде што бројни музичари настапија и ја забавуваа публиката додека чекаа да пристигне фудбалерот и тренер Луис де ла Фуенте.
