пред 5 часа Фудбалерите на Хал го победија Манчестер Јунајтед со 2:0 во првото коло од Премиер лигата. Хал ја постигнаа првата победа против Јунајтед во историјата на Премиер лигата. Победата на Хал му ја донесоа централните дефанзивци во првото првото полувреме.
Иако Манчестер Јунајтед доминираше во поседот на топката, Хал се бранеше организирано во првото полувреме и се закануваше во транзиција. Јунајтед ја имаше првата голема шанса во 13-та минута, но голманот на Хал, Константинос Цолакис, го одбрани волејот на Брајан Мбеумо. Хал набрзо одговори преку Оли Мекберни, чиј удар со глава беше одбранет од голманот на Јунајтед, Лудо Ламенс.
Клучниот момент се случи во 17-та минута. По еден корнер, најдобро се снајде Семи Аџаји и ја смести топката во мрежата на Јунајтед.
SEMI AJAYI OPENS THE SCORING FOR HULL CITY AGAINST MANCHESTER UNITED!
Hull City 1-0 Manchester United.https://t.co/0GXCzsdTWmpic.twitter.com/n30hk2iDBp
— Tekkers Foot (@tekkersfoot) August 22, 2026
Пред крајот на полувремето, во 38-та минута, Хал го дуплираше водството. По еден слободен удар, вториот централен дефанзивец, Нобел Менди постигна гол со глава за 2:0.
Hull City 2-0 Manchester United.https://t.co/0GXCzsdTWmpic.twitter.com/zffgV1QkN4
— Tekkers Foot (@tekkersfoot) August 22, 2026
Во второто полувреме, Манчестер Јунајтед се обиде да го зголеми притисокот. Маркус Рашфорд влезе во игра, но одбраната на Хал остана цврста. Гостите тешко создаваа можности, а најдобрата беше блокирана од домашната одбрана во 66-та минута по обид на Бруно Фернандес.
Најголемата можност за Јунајтед ја пропушти Мбеумо во 78-та минута, кога неговиот удар во ситуација еден на еден беше одбранет од Цолакис.
Резултатот не се промени до крајот на натпреварот и по шест минути судиско продолжение.
Победата од 2:0 за Хал Сити беше седма во историјата против Манчестер Јунајтед, но прва остварена во Премиер лигата, што им овозможи на Сергеј Јакировиќ и неговиот тим одличен почеток на сезоната.
Foto/ EPA
