(Видео) Домен Превц доминантно до златото на големата скокалница

Домен Превц е новиот олимписки шампион во скијачки скокови, на големата скокалница на Зимските олимписки игри. Превц стана првиот Словенец со златен медал во индивидуална конкуренција на Олимписките игри.

Во вториот скок, Превц едноставно полета. Постави нов рекорд на скокслницата, 141,5 метри и го освои златото.

За семејството Превц, ова е деветти олимписки медал, втор за Домен (освои сребро на малата скокалница).

Domen Prevc is a new Olympic Champion!
Slovenia has the first GOLD medal in ski jumping history!#ifeelsLOVEnia #TeamSlovenia pic.twitter.com/BaSQSceKiZ

— Feel Slovenia (@SloveniaInfo) February 14, 2026

Утре, неговата сестра, Ника Превц ќе го брка јубилејниот десетти медал.

За помалку од една година, Домен Превц освои сè што може да се освои во скијачки скокови – 11 победи во Светскиот куп, триумф на Новогодишната турнеја, четири втори места, две трети места…

„Се чувствувам како да сум во филм, како да сум во кино и се гледам себеси… Го гледам тој човек. И тоа е уживање… Многу измешани чувства. Дури и пред последниот скок сакав да уживам, сè се случи во вистинско време на вистинското место. Поради тоа уживање, почнав да се занимавам со овој спорт. Па, ако се случи, ако си добар, освојуваш некои медали“, рече Превц со насмевка.

По првата серија, Словенецот беше втор, но по неговиот брилијантен втор скок, Рени Никаидо не можеше да го достигне и заврши со сребрениот медал.

Бронзениот медал му припадна на новата надеж на овој спорт, 18-годишниот Полјак Кацпер Томашијак. Тинејџерот освои бронза и на малата скокалница.

Foto/ EPA