(Видео) Линекер: Жал ми е за Хрватите! Ова е сурово и тешко за гледање

Никој не остана рамнодушен на она што се случи во драматичниот финиш од натпреварот Португалија – Хрватска, кога израмнувачкиот гол на Гвардиол, во 103-та минута, беше поништен на контроверзен начин.

Славниот англиски фудбалер, сега аналитичар Гари Линекер, не штедеше зборови во својата емисија „Останатото е фудбал“, која ја води заедно со Џо Кол, Алан Ширер и Мика Ричардс.

„Многу ми е жал за Хрватите. Уште еднаш, наместо да зборуваме за фудбал, ние разговараме за ВАР. Хрватите навистина мислеа дека го направиле едно од најголемите мундијалски чуда. Играчите славеа, публиката експлодираше… И потоа сè застана за судиите да го прегледаат снимката. Отсекогаш верував дека ВАР, треба да ги исправи тие очигледни и јасно видливи грешки, а не да губи време проучувајќи инциденти што никој не ги забележал во реално време. Кога одлуките се донесуваат сведени на најмала можна разлика, тогаш се прашувате дали технологијата навистина ја подобрува играта.

Португалија заслужи да помине понатаму, но не можете да ја игнорирате контроверзноста околу поништениот гол. Моето срце е на страната на Хрватска. Тие дадоа сè што имаа, и нивното учество да заврши на овој начин е навистина сурово и тешко за гледање. Поентата на фудбалот е да се зборува за незаборавни моменти на теренот, а не да се дебатира за ВАР“, рече легендарниот Линекер.

Foto/ EPA