пред 6 месеци Foto/ EPA
Фудбалерите на Реал Мадрид го совладаа тимот на Гранада со 2:0 во 15. коло од шпанската Примера.
Избраниците на Карло Анчелоти од самиот почеток ја презедоа иницијативата, а улогата на фаворити ја оправдаа веќе во 26. минута.
Брахим Дијаз максимално го искористи одличното додавање на Крос и го совлада Фереира.
Во финишот на првиот дел се закани на Хоселу, на почетокот на вториот дел и Белингем, по чии удари Родриго ја затресе мрежата на Гранада и го удвои водството на „кралскиот клуб“ во 57. минута.
Добра шанса имаше и Валверде, чиј удар Фереира успеа да го одбрани, а после тоа немаше промена во резултатот.
Реал со овој триумф се врати на челната позиција со 38 бодови колку што има и Џирона, додека Гранада е претпоследна со седум поени.
Би можело да ве интересира
Реал ги „спушти“ на земја Уникс, Макаби преживеа против Алба
Барса се спаси од пораз кај Атлетик – Депај промаши шанса за триумф
Ди Марија: Роналдо сака да се убие што не е со нас во Париз!
ТОП 20 невозможни спортски моменти
Тео Ернандез: За мене и за Хакими најдобро е што си отидовме од Реал
Алфа Таури први го покажаа новиот болид за 2021
