пред 3 години Веселин Вујовиќ е нов тренер на Борац од Бања Лука. На клупата на босанскиот ракометен клуб ќе го наследи Мирко Микиќ кој ќе остане дел од стручниот штаб.
Според зборовите на спортскиот директор на Борац, клубот и Вујовиќ многу брзо се договориле, а тренерот не поставувал некои посебни услови.
Последниот ангажман на тренерот кој е омилен меѓу навивачите на Вардар беше во ППД Загреб. Пред да биде на чело на хрватскиот клуб, популарниот Вујо беше и на кормилото на Металопластика, Партизан, Сиудад Реал, Вардар, Ал Сад, Ал Шабаб, Копер и Железничар.
Вујовиќ беше селектор на Југославија, подоцна и на Србија и Црна Гора, ја предводеше и македонската ракометна репрезентација, а од 2015 до 2019 беше на клупата на Словенија. Со оваа селекција освои бронза на СП во 2017 година во Франција.
Борац од Бања Лука моментно е второпласиран во првенството на БиХ со 24 освоени бода, исто колку и првопласираната Слога, но со послаба гол разлика.
Би можело да ве интересира
Клермон во дебито во првата лига го урна Бордо на Петковиќ
Чилиќ испушти 5:0 и 10 меч топки во третиот сет, па го победи Менезес
Лука Модриќ за историја – со најмногу настапи за Хрватска
Богдановиќ потпишал со Атланта, на потег се Сакраменто Кингс
Лоши денови за Јуве, Дибала се степал со директорот на клубот
Лејкерис победа ги дели од шампионската титула
