Голден Стејт подготвува максимален договор за Никола Јокиќ

Голден Стејт Вориорс би можеле значително да го променат тимот за следната сезона, планираат да доведат многу кошаркари, а еден од нив би можел да биде Никола Јокиќ.

Голден Стејт ја следи ситуацијата околу Никола Јокиќ и се надева дека српскиот центар би можел да биде достапен следното лето, смета новинарот од НБА, Џејк Фишер.

„Вориорс се меѓу тимовите кои прашуваат: „Дали сме сигурни дека Никола Јокиќ нема да биде достапен следното лето?“ Се надеваат дека би можеле да имаат доволно простор за максимален договор, а го имаат и Стеф Кари“, рече Фишер.

Тој се осврна на лице запознаено со ситуацијата во клубот, според кое Вориорс сè уште веруваат дека можат да привлечат голема ѕвезда. Тој го наведе Џими Батлер како пример, чие доаѓање, вели тој, функционирало добро пред да се повреди.

„Тие не го доведоа Јанис Антетокумбо, а Кевин Дурант не сакаше да се врати кога се дискутираше за тоа кон крајот на еден од претходните преодни рокови. Сепак, тие сè уште веруваат дека можат да доведат големо име следното лето, или преку размена или на пазарот на слободни агенти“, додаде Фишер.

Фишер не ја спомена понудата или преговорите во врска со Јокиќ.

Засега, станува збор за тоа дека Голден Стејт ја следи ситуацијата околи Јокиќ.

Foot/ Depositphotos