Гризман во САД на потпис на договорот со Орландо

Антоан Гризман (35) го напушта Атлетико Мадрид и се сели во Орландо. Трансферот е договорен и тој лета за САД за да го потпише договорот. После тоа, се враќа во Шпанија за да му помогне на Атлетико да се обиде да го освои Кралскиот Куп и Лигата на шампионите до крајот на сезоната. Потоа станува играч на Орландо.

Ова го објави „Марка“ во 1 часот по полноќ, а потоа и „АС“. За најголемите шпански спортски медиуми, оваа вест среде ноќ го симна дури и лудото мадридско дерби од првото место. Фабрицио Романо ја објави како „Breaking News“.

Интересно е што Гризман играше против Реал во почетниот состав, а набргу по дербито беше објавено дека заминува, а таа вест доби елитен третман.

Гризман е легенда на Атлетико. Одигра 487 натпревари за клубот. Тој е најдобриот стрелец во историјата на Атлетико со 211 голови, а додаде и 97 асистенции. Го водеше тимот до освојување на Кралскиот Куп и Лигата на Европа.

Францускиот ас го привршува вториот мандат во клубот. Тој првпат се приклучи на клубот во летото 2014 година од Реал Сосиедад за 30 милиони евра. Пет години подоцна, тој беше продаден на Барселона за 120 милиони евра, но по две години се врати прво на позајмица, а потоа во 2023 година и трајно. Атлетико потоа го купи за 22 милиони евра.