Евролига: Барса беше лош гостин на Химки, Ефес ја среди Алба

Барселона како гостин славеше триумф против Химки во рамките на 19. коло во Евролигата. Барса славеше со 87:75.

Каталонците по денешниот триумф со скор 13-6 избија на втората позиција пред Реал Мадрид и со послаб ефект единствено од московска ЦСКА.

Хигинс ги предводеше гостите со 18 поени, а кај домаќинот „прва виолина“ беше Швед со 23 поени.

Значајна победа запиша и Анадолу Ефес кој во Истанбул славеше против Алба Берлин со 84:76. Мициќ и Морман беа најпрецизни во победничкиот тим со по 15 постигнати поени.

Домашен триумф забележа и Фенербахче против Басконија, 96-76.

Олимпијакос по продолженија со 89-87 славеше во Тел Авив против тимот на Макаби, а Милано со +15 (95-80) ја совлада екипата на Валенсија.