пред 3 години Еквадор успеа да извече 1:1 реми против фаворитот Бразил и да ги зголеми своите шанси за пласман на Светското првенство во Катар, во меч кој почна со брутални половина час и два црвени картони, а заврши со ВАР-драма, кога десетина минути се разгледуваше дали Алисон Бекер треба да добие црвен картон (повлечен по вторпат).
Мечот уште во првата минута го донесе првиот жолт картон за бразилскиот дефанзивец Емерсон Ројал, за во шестата минута, Касемиро да ги донесе „Селесао“ во водство. Голманот на Еквадор, Александер Домингез во 15. минута го доби првиот заслужен црвен картон за бруталниот старт, но само пет минути подоцна се постигна рамнотежа, откако Емерсон Ројал го доби вториот жолт картон. Беше покажан и трет црвен картон во 31. минута, овојпат на голманот на Бразил, Алисон Бекер, меѓутоа по прегледувањето на ВАР снимката, судијата го промени во жолт картон.
Еквадор израмни во 75. минута преку Феликс Торес по еден корнер. До крајот на мечот беа покажани уште четири жолти картони, пред да се случи уште една драма – судијата повторно да му покаже втор жолт картон (односно црвен) на Алисон Бекер по боксирање на една топка, па по долга пауза да ја разочара публиката во Кито и да го повлече црвениот картон и досудениот пенал.
Бразил веќе е квалификуван на Мундијалот, додека Еквадор е на одличното трето место во јужноамериканската група (директно се пласираат четири) со седум поени предност пред Колумбија.
Ecuador Brazil is wild right now pic.twitter.com/LqgiymSCPF
— Barstool Football (@StoolFootball) January 27, 2022
Би можело да ве интересира
Калулу го пропушта дербито против Наполи
МЗТ пред мечот со Партизан: Нѐ очекува дуел против голем тим предводен од најтрофејниот тренер во историјата
Ботас и Мерцедес најбрзи, Леклер и Перез излетаа
Навистина не е фер – Швајцарците со над 10.000 километри, Англичаните со 0
„Џејк Пол ќе го претепа Мекгрегор и сите негови пријатели“
Во Денвер загрижени – Јокиќ „качил“ 15 килограми!
