пред 4 години Претседателот на УЕФА Александар Чеферин не ја исклучил можноста да дојде до измени во организацијата на Европското првенство. Според него можно е континенталното првенство да не биде одиграно во планираните 12 држави.
Европското првенство требаше да се одржи оваа година меѓутоа поради пандемијата на коронавирусот УЕФА го одложи за наредното лето.
„Како и секогаш загрижени сме поради ситуацијата со коронавирусот, но апсолутно веруваме дека ЕП ќе се одржи. Засега се оди според предвидениот план, но постојат и можност да биде намален бројот на држави каде ќе се играат натпреварите, на 11, осум, пет или на една држава“, истакнал Чеферин.
Европското првенство треба да се одржи од 11 јуни до 11 јули 2021 година. Домаќини треба да бидат Англија, Азербејџан, Германија, Италија, Русија, Унгарија, Романија, Холандија, Шпанија, Шкотска, Република Ирска и Данска.
Репрезентацијата на Македонија за пласман на ЕП ќе игра на 12 ноември против Грузија во Тбилиси.
Би можело да ве интересира
Ф1 ја одложи одлуката за буџетите на тимовите за понеделник, дали Ред бул ќе настрада?
Робен дефинитивно замина во пензија
Претседателот на германската федерација си замина по „нацистичките“ коментари
Рамзи ќе го напушти Јувентус, се враќа во Лондон
Луис Суарез: Во Барселона ми рекоа дека сум стар за да играм на врвно ниво
Артета признава: Страдав од лошите резултати
