пред 4 години Рафаел Надал нема да се бори за својата шеста титула од Мадрид опен, откако Александер Зверев во фантастичен меч со 6:4/6:4 го изненади светскиот рекет број 2 и закажа полуфинале со Австриецот Доминик Тим, кој се намачи за 3:6/6:4/6:4 победа над Американецот Џон Изнер.
Овој резултат значи дека од понеделник, Надал ќе го загуби второто место на АТП листата од Русинот Данил Медведев, и не е совршена подготовка пред походот по 13-та титула од Ролан Гарос.
На силното сонце во Мадрид, Надал првиот сет го започна одлично и направи брејк за 4:2 водство, но Германецот се врати веднаш со рибрејк, и потоа освои четири последователни гема за да го запечати првиот сет. Надал, конечно, освои гем за 1:1 во вториот сет, но потоа неговото ниво на игра падна и Зверев направи брејк за импресивна победа.
Во другите два четвртфинални дуели играат Кристијан Руд и Александер Бублик, односно Матео Беретини и Кристијан Гарин.
Би можело да ве интересира
Њукасл освоија еден бод кај Вест Хем
УЕФА и официјално ја обвини Звезда за расизам и непочитување на мерките
Манџукиќ ќе почека за своето прво „Дерби дела Мадонина“
УФЦ: Холовеј со рекордни 455 удари го уништи Катар, сега чека на Волкановски
Наместо во Арсенал Ауар ќе заврши во Реал
Роналдо ќе мора на суд да се соочи со Кетрин Мајрога
