Кнутсен: Историски момент за норвешкиот фудбал

„Ова е историски момент за норвешкиот фудбал“, рече Кјетил Кнутсен, тренерот на Боде/Глимт, по пласманот на неговиот тим во осминафиналето во Лигата на шампионите.

По победата од 3:1 во Норвешка, Боде/Глимт го шокира Интер среде Милано со победата 2.1.

„Ова е неверојатен, историски момент за Боде/Глимт и за норвешкиот фудбал. Многу сум горд, ние сме тим од мал град. Навистина се надевам дека ќе покажеме дека ако можеме ние да го направиме тоа, тогаш секој може да го направи тоа. За мене, тоа е најубавото нешто во целата приказна“, изјави тренерот Кјетил Кнутсен за „Скај Спортс“.

Тој е свесен дека е потребна среќа во вакви натпревари.

„Интер е навистина добар тим, имавме среќа во првото полувреме. Работеа напорно, добија дуели, имаа шанси, но се браневме добро“.

По тренерот збор доби капитенот Патрик Берг.

„Сето ова е неверојатно. Неверојатно е за клубот и за градот. Никој не помисли дека можеме да ги победиме Манчестер Сити и Атлетико, а сега и Интер двапати. Величествено!“

Тој вели дека не е важно дали Манчестер Сити или Спортинг ќе бидат извлечени на ждрепката.

„Не ми е важно. Повторно, забавно е да се игра против нови тимови, па би било неверојатно ако го извлечеме Спортинг и одиме во Лисабон. Но, ако е Сити, со задоволство ќе ги пречекаме назад во Норвешка. И очигледно би оделе таму во Манчестер за да се натпреваруваме.“

Ждрепката за осминафиналето од Лигата на шампионите е во петок.