пред 3 години Тренерот на Интер, Антонио Конте, рекол дека не барал од клубот да му го донесат Един Џеко. Италијанскте медиуми, во изминатите два дена, пишуваа дека Интер и Рома подготвувале размена на фудбалери, според која Џеко би се преселил во Интер, а во Рома би заминал Алексис Санчез.
„Ништо не сум побарал од сопствениците. Цело време повторувам дека ќе ги задржиме овие играчи до крајот на сезоната. Не би сакал да говорам за Џеко, тој е фудбалер на Рома. Го почитувам него и моите фудбалери. Санчез е фудбалер на Интер и мора да биде концентриран на тимот. Ситуацијата е јасна, никој нема да замине, исклучок ќе направиме само доколку некој е нездоволен и побара трансфер“, рекол Конте.
