„Лапорта многу добро знае каде ќе игра Алварез следната сезона“

Кој и да го освои финалето на Светското првенство во недела, Атлетико Мадрид ќе ги има своите шампиони. Во множина, бидејќи ќе има четворица или петмина. Дури девет претставници го имаат „Јорганџиите“ во финалето, а ова не е ниту прво ниту второ, туку трето последователно Светско првенство што овој клуб има најмногу претставници во финалниот настап на најголемото глобално фудбалско шоу.

Меѓу тие деветмина е и Хулијан Алварез, чија сага е една од највозбудливите ова лето. Накратко, Барселона понуди 100.000.000 евра за Аргентинецот, кој рече дека е „најдобро за сите да го напушти клубот“, но Атлетико сето тоа го отфрли, осврнувајќи се на откупната клаузула од 500.000.000 евра во договорот со важност до 2030 година.

На оваа тема од Америка говореше претседателот на Барселона, Џоан Лапорта. Првиот човек на Каталонците истакна дека понудата има рок на траење и дека, кога ќе дојде вистинскиот момент, ќе објави до кога ќе биде важечка.

На оваа негова изјава се огласи претседателот на Атлетико, Енрике Серезо, кој се сретна со новинарите на традиционална вечера во ресторанот „Хозе Марија“ во Мадрид.

„Жоан Лапорта е одличен пријател, тој е добар претседател и многу добро знае, како и вие, каде ќе игра Алварез следната сезона.“

Останува прашањето дали навивачите ќе му простат на Алварез за изјавата.

„Сите во животот правиме грешки. Ме правите нервозен. Во овој живот, освен за неколку работи, за сè има решение.“

Новинарите беа заинтересирани и за тоа што носи иднината со Симеоне, а добија интересен одговор:

„Колку години сте тука? Има кратки договори и вечни договори, а овој е вечен.“

Што значи да имате толку многу играчи во финалето на Светското првенство и да бидете, по трет пат по ред, тимот со најмногу играчи на настанот?

„Многу е важно. Среќни сме, горди и ги чекаме тука шампионите.“

Сите? Дури и Хулијан Алварез?

„Тој е и ќе биде дел од Атлетико Мадрид. Изгледа тоа не сте го слушнале“

Серезо го продолжи својот интересен дијалог со новинарите.

Канг-ин Ли ќе биде големо засилување, и тоа од редовите на двократниот последователен европски шампион?

„Работиме на доведување важни играчи. Значи, на следното Светско првенство ќе има 10 или 12 наши играчи во финалето. Имаме одличен тим.“

Следната сезона, финалето на Лигата на шампионите ќе се одржи на „Метрополитано“ стадионот, домот на Атлетико Мадрид.

„Ајде да видиме дали можете малку да ни помогнете за да можеме да го играме финалето на нашиот стадион. Треба да знаеме како да играме надвор од теренот, го кажувам ова за вас, бидејќи тимот е многу добар дури и кога губиме, исто како што правите со Реал Мадрид“, рече првиот човек на Атлетико Мадрид.

Foto/ Depositphotos