пред 3 месеци Евентуланото заминување на Килијан Мбапе од ПСЖ ќе предизвика уште неколку други трансфер кога се во прашање напаѓачите. Поради тоа лелниците на Интер му понудиле на Лаутаро Мартинез продолжување на договорот до 2028 година, пренесува „Газета дело Спорт“.
Според новиот договор аргентинскиот фудбалски репрезентативец би заработувал осум милиони евра по сезона. Проблем е што Мартинез сака повеќе пари.
Италијанските медиуми потсетуваат дека Мартинез со недели преговара со раководството на Интер. Сепак, договор се уште не е постигнат, бидејќи капитенот на Интер бара плата од 10 милиони евра по сезона.
Аргентинскиот фудбалер во клубот од Милано заработува 6,5 милиони евра годишно.
„Газета дело спорт“ наведува дека следната средба меѓу челниците на Интер и менаџерот на аргентинскиот фудбалер би можела да се одржи во март во Мадрид.
На 13 март, Интер ќе му гостува на Атлетико во реваншот од осминафиналето на Лигата на шампионите, а седиштето на управната агенција што го претставува Мартинез се наоѓа во Мадрид.
Аргентинецот пристигна во Интер во 2018 година од Расинг. За Интер одигра 267 натпревари и постигна 124 гола.
Мартинез (26) има договор со Интер до 30 јуни 2026 година.
Би можело да ве интересира
Ливерпул го продолжува „ловот“ на Сити, падна и Њукасл
Хакинен не смета дека Хамилтон е подобар од Шумахер
Американскиот Интер Мајами сака да му оддаде почит на британскиот принц
ТОП тепачки во женскиот фудбал!
Спектакуларниот Лилард влезе во историјата на НБА
Фенер ја продолжи низата на девет победи во Евролигата
