Лацио со пресврт до победа над Сасуоло

Лацио на Симоне Инзаги стигна до својата четврта победа во низа во Серија А, откако со пресврт славеа со 2:1 над Сасуоло на „Олимпико“.

Франческо Капуто ги донесе „зелените“ во водство уште во шестата минута од мечот, но во 25. минута Сергеј Милинковиќ-Савиќ ја врати рамнотежата. Човек на одлука, како многу пати во минатото, беше капитенот Чиро Имобиле во 71. минута од мечот.

Лацио сега се седми со 34 поени, додека Сасуоло се две места подолу со 30 поени.