пред 4 години Ракометната репрезентација на Македонија од третиот шешир ќе ја чека жрепката за Европското првенство што идниот јануари ќе се одржи во Унгарија и Словачка. Избраниците на селекторот Кире Лазаров своите противници на ЕУРО 2022 ќе ги дознаат на 6 мај со почеток во 17 часот.
На континенталниот шампион ќе настапат 24 селекции поделени во 6 групи по 4 репрезентации. По две од секоја група одат во главната фаза од натпреварувањето.
Финалниот викенд е планирано да се одржи во Будимпешта со мечот за златото предвиден на 30 јануари 2022 година.
Шешир 1: Шпанија, Хрватска, Норвешка, Словенија, Германија, Португалија
Шешир 2: Шведска, Унгарија, Русија, Данска, Србија, Австрија
Шешир 3: Словачка, Македонија, Белорусија, Исланд, Чешка, Франција
Шешир 4: Холандија, Црна Гора, Украина, Полска, БиХ и Литванија
ЕХФ одреди и дел репрезентации во кои градови ќе настапуваат.
Хрватска ќе игра во групата А во Сегедин. Унгарија стартува во групата Б во Будимпешта, Словенија ќе биде фиктивен домаќин во групата Ц во Дебрецин, а Германија во групата Д, во Братислава.
Чесите ќе играат во група Е, исто така во Братислава, додека Словачка како домаќин на групата Ф ќе настапи во Кошице.
Европскиот шампион започнува на 13 јануари следната година.
Фото: РФМ
Би можело да ве интересира
Унгарците ја „урнаа“ Англија, БиХ во судиското продолжение освои поен кај Финска
„Аѕурите“ не ја победија Бугарија, но поставија рекорд, Шпанија „падна“ во Шведска
Фантастичната сезона на Левандовски низ бројки
Фенер пак го победи Олимпијакос, Басконија остана во игра за плејоф
Савичевиќ: Хајдук нудеше повеќе, но Црвена звезда е најголем клуб на овие простори
Аргентински весник: Марадона е погребан без срцето!
