Модриќ: Зарем е потребна дополнителна мотивација за играње за репрезентацијата?

Хрватска во последното коло од Лигата на нации ќе се бори за опстанок со репрезентацијата на Португалија на „Пољуд“ во Сплит, а главната ѕвезда повторно ќе биде Лука Модриќ, кој признава дека неговиот репрезентативен пат е при крај.

Бидејќи веќе има 35 години, на прес-конференцијата веднаш го прашаа откаде наоѓа мотивација за игра.

„Уживам во фудбалот бидејќи тој е мојот живот. Имам мотиви и желби кои сакам да ги остварам. Знам дека нема да бидам уште долго фудбалер и затоа сакам да уживам во секој момент. Подобро ми е кога играм повеќе натпревари отколку кога паузирам. Самиот настап за Хрватска е доволна мотивација, а ако не можеш да најдеш мотивација против Португалија, тогаш подобро да не си тука“, вели Модриќ.