пред 3 години Жозе Мурињо имаше интересен „удар“ кон Арсенал пред дербито на северен Лондон со Тотенхем во недела, велејќи дека не погледнува надолу на премиерлигашката табела.
Тотенхем гостуваат на „Емирати“ три места и седум поени пред своите лути ривали и Мурињо има намера да ја заддржи и зголеми таа разлика во обид да обезбедат топ 4 пласман и Лига на шампиони.
„Јас гледам нагоре, не надолу. Да беа Арсенал седум поени пред нас ќе ги гледав, но бидејќи имаме седум поени повеќе од нив, не гледам надолу. Исто е дали следниот меч ни е Арсенал или Вила или Њукасл, исто чувство. Сметаме дека сме подобар тим од тоа што го покажува табелата и сакаме да освојуваме поени за да го докажеме тоа. Не е важно што е дерби, се работи за премиерлигашки меч, три поени и борба за место“, вели Мурињо.
Поранешниот менаџер на Челси и Манчестер јунајтед има добар скор против Арсенал – во вкупно 22 мечеви неговите тимови имале 12 победи и само 2 порази.
