пред 3 часа Бразилскиот фудбалер Нејмар одлучи да остане во Сантос и наскоро ќе го продолжи договорот до крајот на 2026 година, објавија медиумите во Бразил.
На овој начин, Нејмар стави крај на шпекулациите дека ќе се пресели во Саудиска Арабија.
Нејмар, одлучи да игра на сигурно, постојано да биде пред очите на селекторот на Бразил, Карло Анчелоти, и да му докаже дека заслужува место во репрезентацијата на претстојното Светско првенство играјќи во дресот на Сантос.
Во јануари 2025 година, Нејмар повторно стана член на Сантос, за кој минатата година одигра 28 натпревари и запиша 11 гола и четири асистенции.
Долго време беше повреден, но на крајот од сезоната значително му помогна на Сантос да избори опстанок во најсилниот ранг на бразилскиот фудбал.
Претходно објави дека сака да игра на овогодинешното Светско првенство во САД, Канада и Мексико.
Нејмар дојде во Сантос од Ал Хилал, а претходно играше за Пари Сен Жермен и Барселона.
Foto/ depositphotos
Би можело да ве интересира
Манчестер Јунајтед подготвува мега понуда за Валверде
Се повреди Тибо Куртоа
Реал Мадрид подготвува милијарда евра за трансфер на Мбапе
Бањаја славеше и во Мизано, сега е на 48 поени зад Квартараро
Алаба наместо со Реал, преговара со ПСЖ?
Тенисерката родена со по четири прсти на рацете пред пласман на АО!
