пред 2 години Лука Дончиќ продолжи со одлични партии во дресот на Далас. Во дербито на Тексас, Маверикс го совладаа Хјустон Рокетс со 129:114 и стигнаа до петтиот последовен триумф, а словенечкиот кошаркар имаше уште еден трипл-дабл.
Само два дена по средбата со Њујорк на која оствари трипл-дабл од 60 поени, Дончиќ имаше уште една ноќ за паметење, овојпат запиша 35 поени, со 12 скока и 13 асистенции за 34 минути.
Отсуствуваше речиси цела последна четвртина, па му беше ускратен уште поубедлив ефект, бидејќи Џејсон Кид реши да го одмори. Дончиќ до трипл-дабл стигна на 5,37 пред крајот на третата четвртина, што јасно покажува како играше.
Во победничкиот тим Кристијан Вуд додаде 21, а Тим Хардавеј Џуниор 18 поени, додека Спенсер Динвиди постигна 15 поени.
Кај Хјустон Рокетс најефикасна беше Џејлин Грин со 23 поени, додека Кевин Портер додаде 17, а Џабари Смит 16.
Бостон Селтикс го совладаа тимот на Лос Анџелез Клиперс со 116:110. Џелен Браун и Џејсон Тејтум постигнаа по 29 поени во победничкиот тим.
Резултати: Шарлот – Оклахома 121:113, Индијана – Кливленд 135:126, Бостон – ЛА Клиперс 116:110, Торонто – Мемфис 106:119, Сан Антонио – Њујорк 122:115, Далас – Хјустон 129:114.
Би можело да ве интересира
Арсенал го сака Виктор Осимен, подготвен е да го понуди Габриел Жесус
Русинките ја „нокаутираа“ Норвешка, ќе играат финале во Токио
Почина таткото на Дражен и Аца Петровиќ
Гвардиола не му заборава на Зинченко: Најважно, на твојата сопруга уште и се допаѓам
Гоџа не запира, четврта спуст победа во низа
Чех прими два гола за 18 минути во својот камбек за Челси
