пред 3 години Поранешниот напаѓач на Реал Мадрид, Хесе Родригез кој пред 2 месеци доби отказ во ПСЖ пронајде нов клуб, кариерата ќе ја продолжи во шпанскиот второлигаш Ла Палмас.
Хесе во Реал дојде на 14 години, во 2007 година. Од 2013 година беше во првата екипа, а во 2016 за 25 милиони евра направи трансфер во ПСЖ.
Поголемиот дел од петгодишниот договор го одработе на позајмици, па откако Спортинг Лисабон не сакаше да го откупи неговиот договор, на почетокот на сезонава се врати во Париз. За цела есен одигра само 22 минути.
На почетокот на декември ПСЖ го раскинаа договорот со 27-годишниот фудбалер поради активности надвор од теренот. Било откриено дека ја изневерувал својата девојка со нејзина пријателка – манекенка и во клубот сметаа дека на тој начин му наштетил на угледот на клубот.
Сега е дел од Лас Палмас, клубот во кој во 2017 година краток период беше на позајмица. Тогаш настапи на 16 меча и постигна 3 гола.
