пред 3 години Капитенот на Аталанта, Алехандро Папу Гомез повторно нема да биде во составот на Џанпјеро Гасперини, и веќе побарал клубот да му овозможи трансфер во јануари во Милан или Интер, јавува порталот „Гол“.
32-годишниот Аргентинец не играше против Рома во неделата, а нема да биде и ниту во тимот кој ќе игра против Болоња во средата, и изгледа дека нарушените односи во клубот не можат да се поправат и тој бара трансфер во еден од миланските гиганти.
Откако неговиот тим губеше со 1:0 во првото полувреме против данскиот Митјиланд во меч од Лигата на шампионите на 1 декември, Гасперини побара Гомез да се помести од својата позиција на „десетка“ на десната страна, но Аргентинецот го одби тоа и беше повлечен од игра.
По ова, според италијанските медиуми се случила тепачка во соблекувалната, иако самиот Гомез на Инстаграм напиша дека својата верзија на нстаните ќе ја каже кога ќе замине од клубот. Гомез беше клучен играч на Аталанта по трансферот од Металист Харкив од Украина во 2014 и двапати беше најдобар асистент во Серија А.
Би можело да ве интересира
Видал и Санчез одбиваат да заминат од Интер
Реал го доби трилерот во две продолженија, Швед го реши руското дерби
Хет-трик на Имобиле за потоп на Специја на „Олимпико“
На „Максимир“ падна гол каков што досега не сме виделе
Роналдо нема да се врати во Реал
Басконија ја скрши „клетвата“ во Пиреја, тежок пораз за Звезда
